സിഡിയെയും ഡിവിഡിയെയും കുറിച്ചു അതിന്റെ അച്ഛനമ്മമാര് ആലോചിക്കുന്നതിനു മുന്പത്തെ കാലഘട്ടം. പഴയ ഓല കാസറ്റ് രാജാവായി നീണാള് വാഴുന്ന ടൈം.
ഞങ്ങള് സ്കൂളില് പഠിക്കണ സമയത്ത് മുള്ളൂര്ക്കര സെന്ടെരില് ശ്രുതി മുസികല്സ് എന്ന ഒരു കാസറ്റ് കട ഉണ്ടാരുന്നു. അന്നത്തെ ന്യു ജനറേഷന് ഫ്രീക്കന്മാര് അവടെ വെറുതെ കുത്തി ഇരുന്നു തളി വരവൂര് ഭാഗത്തേക്കുള്ള ബസ് വരുമ്പോ മാത്രം പുറത്തിറങ്ങി നിന്നു എണ്ണം എടുത്തു പോന്നിരുന്നു. ബസിലെ ഡ്രൈവര് മാര് വരെ ഒരു ദിവസം ഇവരെ കണ്ടില്ലെങ്കില് ഹോണ് അടിച്ചു അവരെ പുറത്തിറക്കി എല്ലാരേയും കണ്ടില്ലേ ഇനി അനുഗ്രഹിക്കണം എന്ന് പറഞെ മുന്നോട്ട് പോകു. അങ്ങനെ ചിലപ്പോളൊക്കെ പാട്ടിന്റെ റിക്കോര്ഡ് ചെയ്തിരുന്നത് ഈ ഫ്രീക്കന്മാര് ആയിരിക്കും.
യക്ഷിയും മോഹന്ലാലും സുട്ടാപ്പിയും ഒക്കെ വരുന്ന ശ്രീകൃഷ്ണ പരുന്തു എന്ന സിനിമയിലെ “നിലാവിന്റെ പൂങ്കാവില് നിശാഗന്ധി പുഷ്പം” എന്ന പാട്ട് വേണം എന്ന മോഹവുമായി ഞങ്ങടെ കൂടെ പഠിച്ച ഒരുത്തന് ഒരു പഴയ ഓല കാസറ്റ് കൊടുത്തു പാട്ട് റിക്കോര്ഡ് ചെയ്യിച്ചു. പാട്ടിന്റെ ഹൈലൈറ്റ് ആയ ഇടക്കുള്ള യക്ഷിയുടെ സൌണ്ടില് “കുമാരേട്ടാ , എന്റെ കുമാരേട്ടാ “എന്ന സംഗതിയാണ്.
കാസറ്റ് കിട്ടി പക്ഷെ പാട്ട് മുഴുവന് കേട്ടിട്ടും കുമാരേട്ടാ എന്ന ക്ലാസ് വിളി മാത്രം ഇല്ല, തിരിച്ചു കൊണ്ടു പോയി കാര്യം പറഞ്ഞു ശരിയാക്കാം എന്ന അയാളുടെ മറുപടി കേട്ട് രണ്ടു ദിവസം കഴിഞ്ഞു കാസറ്റ് വാങ്ങി വീണ്ടും ഇട്ടുനോക്കി. പാട്ട് പകുതിയായപ്പോ അവടെ പണിക്ക് നിക്കണ ചെക്കന്റെ ശബ്ദത്തില് “ കുമാര്ട്ടാ ന്റെ കുമാര്ട്ടാ" എന്ന വിളി , ഈ മണ്പത്രങ്ങള് ഉണ്ടാകുന്ന പ്രത്യേക വിഭാഗക്കാര് സംസാരിക്കുന്ന ഭാഷയില്.
പിന്നെ നാട്ടുകാര് കടയില് വന്നെന്നോ , അടപ്പിചെന്നോ , പിന്നെ തുറന്നെന്നോ അങ്ങനെ എന്തൊക്കെയോ..
പണ്ടൊരു നാള് ആ കടയില് കയറി വെറ്തെ പുറത്ത് ഒട്ടിച്ച ബ്ലാക്ക് ഷര്ട്ടും, ബ്ലാക്ക് ജീന്സും, ബ്ലാക്ക് കണ്ണടയും വെച്ച തമിഴു നടന് പാര്ത്ധിപന്റെ പോട്ടം കീറിയതിനു അയാള് എന്നെ ചീത്ത പറഞ്ഞതിന്റെ ദേഷ്യത്തിന് ഞാന് ഉണ്ടാക്കിയ കഥയൊന്നുമല്ല.
കുമാര്ട്ടാ.......
No comments:
Post a Comment