Post by Vinod Neetiyath.
പത്തിരുപതു വര്ഷം മുന്പു, ആകാശവാണി വാര്‍ത്തകള്‍ വായിക്കുന്നത്. രാമചന്ദ്രന്‍ എന്നും ഇയം ആകാശവാണി, അന്ബ്രുതി വാര്ത്താ ഹ സൃയന്താം പ്രവാചക ഹ ബലദേവാനന്ത സാഗരഹ എന്നും, കേട്ടിട്ടായിരിക്കാം അന്ന് ഓരോ മലയാളിയുടെ ദിവസങ്ങള്‍ തള്ളി നീങ്ങിയിരുന്നത് മലയാളിയുടെ ജീവിതത്തിന്റെ ഭാഗമായിരുന്നു ഈ രാമചന്ദ്രനും ബലദേവാനന്ത സാഗരനും.
പിന്നീട് ദൂരദര്‍ശനും മുകളില്‍ മീന്‍ മുള്ള് പോലെ ഉള്ള ആന്ടിനയും വന്നു ബൂസ്റ്റര്‍ പിടിച്ചു തിരിച്ചു ടി വി ക്ലിയര്‍ ആക്കിയിരുന്ന കാലത്ത് ന്യൂസ്‌ വായിക്കാന്‍ വേണുഗോപാല്‍, ഹേമലത , മായ തുടങ്ങിയവര്‍ വന്നിരുന്ന കാലം സത്യത്തില്‍ അന്നൊക്കെ ഞായറാഴച്ച സന്ധ്യക്ക് മാത്രം വരുന്ന സിനിമക്ക് ഇടയില്‍ പപ്പടം എണ്ണയില്‍ ഇട്ട പോലെ തിരിഞ്ഞ് വരുന്ന ന്യൂസിന്‍റെ സിംഫല്‍ കണ്ടാ അപ്പൊ തുടങ്ങും എല്ലാരും ചീത്ത പറഞ്ഞ് കണ്ണ് പൊട്ടിക്കാന്‍.
ഏഷ്യാനെറ്റ്‌ ന്യൂസില്‍ ആദ്യമായി കയ്യ് മേശ പുറത്ത്‌ വെച്ച് ചെരിഞ്ഞിരുന്നവനും, പിന്നെ ഇന്ത്യാവിഷനില്‍ കുന്സാന്ടര്‍ ആയതും കുഞ്ഞാപ്പ ടെ തലയില്‍ കറുത്ത തുണി വിഴുന്നത് ഇരുപത്തെട്ടു പ്രാവശ്യം സ്ലോ മോഷനില്‍ കാണിച്ചതിന്റെ ഫലം ആയി, തുടര്‍ന്ന് ഉണ്ടായ ഒതുക്കില്‍ ചാനെല്‍ വിട്ടു പുറത്തു കടന്നു ഇന്ന് റിപ്പോര്‍ട്ടര്‍ ചാനെല്‍ മൊതലാളി ആയ നിഗേഷ്‌കുമാര്‍ , മൂപ്പര്‍ ഇന്ത്യാവിഷനില്‍ ഉള്ളപ്പോ ഒരു ദിവസം ചെരിഞ്ഞിരുന്നു കയ്യ് ടാബിളില്‍ വെച്ച് സ്വന്തം പിതാവായ എം വി രാഘവന്‍ ഇലെക്ഷന് ജയിച്ചപ്പോ മൂപ്പരെ ലൈവ് ഷോ യില്‍ വിളിച്ചു ഇങനെ ചോദിച്ചു “ മിസ്റ്റര്‍ രാഘവന്‍ എന്താണ് ഈ ജയത്തെ കുറിച്ച് താങ്കള്ക്ക് പറയാനുള്ളത്” മറുപടി ഇങ്ങനെ ആയിരുന്നു "ഡാ ഡാ പിന്നെ വിളിക്കഡാ ചെക്ക” ഫോണ്‍ കട്ടും ചെയ്തു.
രാജ് മോഹന്‍ ഉണ്ണിത്താന്‍ , ഷാനവാസ്‌ എം പി എന്നിവരില് ആരെയെങ്കിലും ലും രാത്രി ഒമ്പതുമണി കഴിഞ്ഞു കണ്ടില്ലെങ്കില്‍ ഉറക്കം വരാത്ത അവരടെ വീട്ടിലെ അംഗത്തെ പോലെ ഏഷ്യാനെറ്റിലെ വിനു.
ഏഷ്യാനെറ്റില്‍ ന്യൂസ്‌ വായിക്കുന്നതിന്റെ ഇടവേള നേരത്ത് ലാപ്‌ ടോപ്‌ എടുത്തു ഹാര്മോ്ണിയം വായിച്ചു ബലികുടീരങ്ങളെ എന്ന പാട്ട് പാടി ആരോ ഒരുത്തന്‍ അത് റെക്കോര്ഡ് ചെയ്തു യു ടുബില്‍ ഇട്ടിട്ട് പണി പോയ വേണു പിന്നീട് റിപ്പോര്‍ട്ടര്‍ ചാനെലിലും ഇപ്പൊ മത്രുഭുമിയിലും തകര്ക്കുന്നു.
പക്ഷെ മറക്കാന്‍ പറ്റാത്ത ന്യൂസ്‌ റീഡിംഗ് ഏഷ്യാനെറ്റിലെ പ്രജുലയുടേതാണ് നേതാവ് കുഞ്ഞി കണ്ണന് ലൈവ് വന്നിരിന്നു കത്തി കയറി നിക്കുംപോള്‍ ആണ് , പെറ്റ തള്ള കേട്ടാ സഹിക്കാത്ത രീതിയില്‍ മൂപ്പരടെ പേരിലെ “ഞ്ഞി”യും “ണ്ണ” യെയും മാറ്റി എക്സ്ചേഞ്ച് ചെയ്തു മൂപ്പരെ സ്റ്റുഡിയോയില്‍ നിന്ന് ഓടിച്ചു വിട്ടത്.
