നാട്ടില് ഒരു അതിര്ത്തി തര്ക്കം നടക്കുന്നു വാസു ഏട്ടന് അയാല്കാരനായ ബാലേട്ടനെതിരെകേസ് കൊടുത്തു സ്നേഹം മൂത്തപ്പോ അതിര്ത്തിയില് സ്ഥാപിച്ച അതിര്ത്തി സംരക്ഷണ യന്ത്രം (വേലി) പൊളിച്ചു അത് കത്തിച്ച് വെള്ളം തിളപ്പിച്ച് ഒരു കുളി പാസാക്കി വാസുഎട്ടന് അയല്ക്കാരനെ നോക്കി അട്ടഹസിച്ചു.
ഇതിനു പ്രതികാരം ആയി ബാലേട്ടന് മായ ബസില് കേറി വടക്കാഞ്ചേരി പോയി പോലീസില് കേസ് കൊടുത്തു. അതിനു പിന്നില് വരുന്ന നവനീത് ബസില് പോയി വസുഎട്ടനും കേസ് കൊടുത്തു. ആകെ കൂടി ജഗപോക.
പോലീസ് ജീപ്പ് വന്നു എസ് ഐ ചാടി ഇറങ്ങി. അവടെ നടക്കുന്ന സംഭവം കാണാന് കുറെ പേര് വരി വരി ആയി നില്ക്കുന്നു ഞാന് ഷാജു പിന്നെ പ്രതീഷ് ഏട്ടന് മുതലായവര്. എസ് ഐ മീശ പിരിച്ചു കണ്ണുരുട്ടി , കയ്യിലെ ലാത്തി ചുഴറ്റി വീശി കൂടി നിക്കുന്നവരെ ചീത്ത പറഞ്ഞു. പിന്നെ ആക്രോശിച്ചു ആരാടാ ഇതില് പ്രതി??
അവടെ നിക്കുന്ന എല്ലാവരുടെയും മുട്ട് കൂട്ടി ഇടിക്കാന് തുടങ്ങി. അപ്രതീക്ഷിതം ആയാണ് അത് സംഭവിച്ചത് ഞങ്ങടെ കൂടെ മര്യാദ കാരനായി നിന്നിരിന്നു ഒരാള് കൈ പൊക്കി ഉറക്കെ വിളിച്ചു പറഞ്ഞു.
"ഞാനാ സാറെ പ്രതി."
കയ്യെത്തും ദൂരത്തു നിന്ന് മുഖത്ത് നോക്കി ഉറക്കെ ചന്ക്കൂറ്റത്തോടെ ഞാനാണ് പ്രതി എന്ന് വിളിച്ചു പറഞ്ഞപ്പോള് എസ് ഐ യുടെ അധികാരപദവിക്ക് മുകളില് കാക്ക തൂറിയ പ്രതീതി അനുഭവപെട്ട അയാള് വീണ്ടും ഒരു വട്ടം കൂടി ചോദിച്ചു ആരാടാ പ്രതി? മറുപടി പെട്ടെന്നാരുന്നു
" ഞാനാ സാറെ പ്രതി പക്ഷെ ഞാനല്ല സാറെ പ്രതി"
ആ പറഞ്ഞതിന്റെ അര്ഥം മനസിലാവാതെ എസ് ഐ കൊടുത്തു ഒരെണ്ണം കവിളത്ത്.
പിന്നെ ഒരു കരച്ചിലായിരുന്നു "ഞാനല്ല സാറെ പ്രതി എന്റെ പേരാ സാറേ പ്രതി" (പേര് പ്രതീഷ് വീട്ടിലും നാട്ടിലും സ്നേഹത്തോടെ പ്രതി എന്ന് വിളിക്കുന്നു)
ഞങ്ങള് നോക്കിയപ്പോ കണ്ടത് മൂപ്പര് ചിരിക്ക്യാണ് ലോട്ടറി ടിക്കറ്റ് എടുക്കാതെ തന്നെ രണ്ടാം സമ്മാനം അടിച്ച പോലെ.
അന്ന് മുതല് എവടെ ദൂരെ പോലീസിനെ കണ്ടാലും മൂപ്പര് കൂട്ടുക്കാരോടു പറയും " മ്മക്കൊരു കളി കളിക്കാം ശരിക്കുള്ള പേര് വിളിച്ചില്ലെങ്കില് കൊള്ളീം ബോട്ടിം"
No comments:
Post a Comment