ഒരു ദിവസം കൂട്ടുകാരെല്ലാം വൈകീട്ട് സംസാരിച്ചിരിക്കുമ്പോ ഞാന് പറഞ്ഞു "ഡാ ഞാന് നമ്മടെ ലാലേട്ടനെ കണ്ടു ചെറുതുരുത്തി പൈങ്കുളത്തു ഷൂട്ടിംഗ് നടക്കാ. പിന്നെ പതിവ് പോലെ കുറച്ചു കൂട്ടി പറഞ്ഞു മൂപ്പര് ഭയങ്കര തമാശ എന്നോട് കുറെ സംസാരിച്ചു. പോരുമ്പോ അടുത്ത പടത്തിന്റെ ഷൂട്ടിങ്ങിനു ചെല്ലാന് പറഞ്ഞു. എന്താല്ലേ എത്ര വല്ല്യ ആളാ ന്നിട്ടും കൂടി.
അപ്പൊ നമ്മടെ ഒരു ഗഡി മൂപ്പര് ദുബായില് പോയി നാല് മാസം നിന്ന് തിരിഞ്ഞു തീപ്പൂട്ടി വന്നു നാട്ടില് മിക്സി കച്ചോടം എന്ന ബിസിനസ് സാമ്രാജ്യം കേരളവും തമിഴ്നാടും , പിന്നെ കര്ണാടകത്തിലെ ചില അതിര്ത്തി പ്രാന്ത പ്രദേശ മേഖലകളിലും നടത്തി വന്നിരുന്ന സമയം.
അവനു ഇത് അത്ര പിടിച്ചില്ല എന്ന് മാത്രല്ല. റിട്ടയേര്ഡ് ആയ മില്ടരികാര് പറയുന്ന പോലെ അവനും തുടങ്ങി:
“ ദുഫായില് അല് കരാമാ എന്ന സ്ഥലത്ത് കൂടി ഞാന് വെറ്തെ ഒരു വെള്ളിയാഴ്ച നടക്കുമ്പോ പെട്ടെന്ന് ഒരു ആഗ്രഹം പൊറോട്ടയും ബീഫും കഴിക്കണം നോക്കിയപ്പോ തൊട്ടടുത്ത ഒരു ഹോട്ടല് ചെന്ന് കേറി ഓര്ഡര് കൊടുത്തു നല്ല പെട പെടച്ചു പൈസ കൊടുക്കാന് കൌണ്ടറില് ചെന്നപ്പോ ആരാ മൊതല് ഇന്ത്യന് കോഫീ ഹൌസിലെ പോലെ ഒരു ഒരു തോപ്പിയൊക്കെ വെച്ച് മ്മടെ ലാലേട്ടന്, മൂപ്പരടെ ഹോട്ടല് ആണെത്രേ മോഹന്ലാല് ടേസ്റ്റ് ബഡ്സ്. പൈസ വാങ്ങി പെട്ടീല്ക്ക് ഇട്ടു എന്നോട് ചോദിക്കാനു “ഫുഡ് ഒക്കെ കൊള്ളാല്ലോ ല്ലേ”, ഞാന് പറഞ്ഞു തരകേടില്ല പക്ഷെ ബീഫ് പോരാ ട്ടോ ലാലേട്ടാ"
പിന്നെ ഞങ്ങളോടായി ഇങ്ങനെ "ഇങ്ങക്കറിഞ്ഞൂടെ മ്മടെ സ്വഭാവം ഏതു സൂപ്പര്സ്റ്റാര് അയാലും മ്മള് സത്യം പറയും. അല്ല പിന്നെ..
മൂപ്പര് നിര്ത്താന് ഭാവം ഇല്ല ഒരു ഗോള്ഡ് ഫ്ലാക്ക് എടുത്തു കത്തിച്ചു വീണ്ടും..
"ഇതൊക്കെ കഴിഞ്ഞു ഞാന് നാട്ടില് വന്നു കച്ചോടത്തിനു പെരിന്തല്മണ്ണ പോയപ്പോ ട്രാഫിക് പോലീസ് കയ്യ് കാണിച്ചു ഞാങ്ങലാനെങ്കില് ഓവര് സ്പീഡും നോകുമ്പോ ആരാ ? മ്മടെ അബു സലിം സില്മാ നടന് മൂപ്പര് പോലീസ് അല്ലെ. വണ്ടി സയിട് ആക്കാന് പറഞ്ഞു സലിം ക്ക മെമ്മോ ഉണ്ടാക്കാന് തുടങ്ങി ഞാന് ചെന്ന് പറഞ്ഞു ഇക്കാ ഇങ്ങള് ആ മോഹന്ലാലിനെ ഒക്കെ എന്ത് പേട്യാ പെടക്കണേ ന്റമ്മോ എന്താ ഇങ്ങടെ മസില്, ഇങ്ങള് ശരിക്കും നായകന് ആവണ്ട ആളാ, പിന്നെ ഇങ്ങളെ ഒതുക്കീതാ ല്ലേ അവര് രണ്ടാളും കൂടി. ശക്തി മാത്രമേ ഉള്ളു മൂപ്പര് അതില് വീണു ന്നു മാത്രല്ല ഞാന് നൂറിന്റെ മൂന്ന് നോട്ട് ചുരുട്ടി കയ്യില് വെച്ചാ കൊടുത്തു പിന്നെ ട്രാഫിക് ബ്ലോക്കിന്നു ആദ്യം പുറത്തു കടന്നത് മ്മടെ വണ്ടിയാ"
ഇതൊക്കെ കേട്ട് ഞാന് ചിരിച്ചു കൊണ്ടു പറഞ്ഞു കേക്കാന് രസന്ടു പക്ഷെ ഇയ്യ് തമാശ പറയല്ലേ?
അപ്പൊ അവന് “അതെ ആദ്യം ആരാ തൊടങ്ങീതു” ഇയ്യല്ലേ അപ്പൊ അനക്ക് പറയാം ല്ലേ പന്ന്യേ"......
.ഈ കല്ല് വെച്ച കഥകള് കേട്ട് സത്യം മാത്രം പറയുന്ന ബാക്കി ഉള്ളവരുടെ ചെവി കല്ല് തകര്ന്നു ചെവിയിലെ രോമം വരെ കരിഞ്ഞുകാണും..
No comments:
Post a Comment